អំពី ប.យ.ក

ប្រវត្តិរបស់បណ្តាញយុវជនកម្ពុជា

បណ្តាញយុវជនកម្ពុជា បានបង្កើតឡើងនៅថ្ងៃទី៣១ ខែតុលា ឆ្នាំ២០០៩ ដោយការផ្តូចផ្តើមគំនិត ពីសំណាក់ក្រុមនិសិត្ស និងអ្នកដែលមានគំនិតជួយពង្រឹងសិទ្ធិអំណាចយុវជនដើម្បីឈានទៅរកការ អភិវឌ្ឍន៍​ប្រទេស​ជាតិ។​​ មានកត្តាជាច្រើនទៀត ដែលជំរុញឲ្យមានការបង្កើតបណ្តាញយុវជន នេះឡើង ដោយឃើញថា យុវជន​នូវខ្វះចំណេះដឹង ជំនាញ បទពិសោធន៍ ខ្វះឆន្ទះ ខ្វះសាមគ្គីភាព មិនសូវយកចិត្តទុកដាក់ថែរក្សាប្រពៃណី វប្បធម៌ និងប្រឈមនឹងអបាយមុខផ្សេងៗជាច្រើននៅក្នុង សង្គមបច្ចុប្បន្ន។ មួយវិញទៀតឃើញថា យុវជន​ជាកំលាំងដ៏មុតស្រូច ក្នុងការការពារសិទ្ធិ ការពារសង្គម ជាអ្នកអភិរក្សប្រពៃណី វប្បធម៌ដ៏សំខាន់​បំផុតមិន​អាច​ខ្វះបានទាំងនេះហើយដែល ជាហេតុ នាំដល់ការបង្កើតនូវបណ្តាញនេះឡើង។

ទស្សនៈវិស័យ 

          បណ្តាញយុវជនកម្ពុជា ចង់បាននូវសង្គមកម្ពុជាមាន សន្តិភាព សេរីភាព ប្រកាន់នូវគោលការណ៍ 

លទិ្ធ​ប្រជា​​ធិបតេយ្យ មានការគោរពសិទ្ធិមនុស្ស មាននីតិរដ្ឋ យុវជនមានសមត្ថភាព ក្នុងការបំពេញការងារ 

ដោយ​មាន​ការ​​គាំពារផ្នែកសង្គម និងរស់នៅប្រកបដោយសេចក្តីថ្លៃថ្នូរ។

បេសកកម្ម

            បណ្តាញយុវជនកម្ពុជា​ មានបេសកកម្មដូចជាៈ

•          ពង្រឹងអំណាចយុវជន តាមរយៈការចងក្រង និងបណ្តុះបណ្តាលនូវមុខជំនាញផ្សេងៗ
•          លើកកម្ពស់ការចូលរួមរបស់យុវជន ក្នុងសកម្មភាពនយោបាយ​  និងសិទ្ធិមនុស្ស
•      ជំរុញអោយមាននីតិរដ្ឋ​ និងយុត្តិធម៌សង្គម
•      ជំរុញអោយមានការចូលរួមការពារ ថែរក្សាបរិស្ថាន និងធនធានធម្មជាតិ
•     ទំនាក់ទំនង និង សហប្រតិបត្តិការណ៍ជាមួយស្ថាប័នជាតិ និងអន្តរជាតិ។