ទិដ្ឋភាពបុរីកីឡាបន្ទាប់ពីការវាយកំទេច!

ក្រុមអង្គការសង្គមស៊ីវិលមិនមែនរដ្ឋាភិបាលថ្កោលទោសចំពោះ ការបណ្តេញពលរដ្ឋសហគមន៍បូរីកីឡាដោយហឹង្សា

Housing Rights Task Force (HRTF), Cambodian Youth Network (CYN), Independent Democracy of Informal Economic Association (IDEA), Bridges Across Borders Cambodia (BABC), Community Legal Education Center (CLEC), League of Boeung Kak Lake Women Struggling For Housing Rights (BKLW), Amlaing Community Rights Protection (ACRP), Coalition of Cambodian Farmer Community (CCFC), Farmers Association for Peace & Development (FAPD), Prey Lang Community Network (PLCN) and Cambodian League for the Promotion & Defense of Human Rights (LICADHO)

ក្រុមអង្គការសង្គមស៊ីវិលមិនមែនរដ្ឋាភិបាលថ្កោលទោសចំពោះ

ការបណ្តេញពលរដ្ឋសហគមន៍បូរីកីឡាដោយហឹង្សា

ភ្នំពេញ (ថ្ងៃទី០៣ ខែមករា ឆ្នាំ២០១២) -​អង្គការ HRTF, CYN, IDEA, BABC, CLEC, BKLW, ACRP, CCFC, FADP, PLCN និង LICADHO​​​​ សូមថ្កោលទោសយ៉ាងខ្លាំងក្លាចំពោះ ការបំផ្លិចបំផ្លាញ លំនៅឋានរបស់ប្រជាពលរដ្ឋ​ ចំនួនប្រហែលជា៣០០គ្រួសារដែលរស់នៅ ក្នុងសហគមន៍បុរីកីឡា រាជធានីភ្នំពេញ។

ការបំផ្លាញលំនៅឋានទាំងអស់នេះ គឺជាកត់សំគាល់នៃទំព័រដ៏សោកសៅមួយផ្សេងទៀត នៃ ការអភិវឌ្ឍ ដែលមានពេលមួយនោះវាត្រូវបានលើកតម្កើងថាជាគំរួមួយ ជំនួសអោយការ បណ្តេញ ចេញ និងការអភិវឌ្ឍន៍ឆ្ងាយពីកន្លែងតាំងនៅ សម្រាប់អ្នកក្រីក្ររស់នៅក្នុងទីក្រុង ភ្នំពេញ។

នៅដើមឆ្នាំ២០០៣, កិច្ចព្រមព្រៀង ​“ការបែងចែកដី” ត្រូវបានស្នើឡើងសម្រាប់សហគមន៍ បូរីកីឡា

កម្លាំងប្រដាប់អាវុធបណ្តេញប្រជាពលរដ្ឋបុរីកីឡា

ដោយ ឯម ខេមរា

ភ្នំពេញៈ ប្រជាពលរដ្ឋ សហគមន៍បុរីកីឡាបានអះអាងថា រហូតមកដល់ពេលនេះ ផ្ទះរបស់ ប្រជាពល​រដ្ឋប្រមាណ ៣២០ ខ្នងត្រូវបាន ប៉ូលីស ប៉េអឹម និងកងរាជ​អវុធហត្ថប្រដាប់​ដោយអាវុធធ្វើការ​ការពារ​ឱ្យគ្រឿងចក្រ ឈូសកំទេចផ្ទះរបស់ពួកគាត់ នៅថ្ងៃទី០៣ ខែមករា ឆ្នាំ ២០១២នេះ ដែលស្ថិតក្នុង​សហគមន៍​បុរីកីឡា សង្កាត់វាលវង់ ខណ្ឌ ៧មករា។

សកម្មភាពឈូសឆាយរបស់គ្រឿងចក្រដោយាមានការការពារពីអាជ្ញាធរ

      ការឈូសឆាយកំទេចនេះគឺត្រូវបានចាប់ធ្វើឡើងតាំងពីពេលដែលក្រុមអាជ្ញាធរបានបង្ក្រាបដោយជោក ជ័យទៅលើក្រុមប្រជាពលរដ្ឋដែលបានតបតក្នុងការបង្រ្កាបនេះ។ ក្រុមអាជ្ញាធរប្រមាណ ២៥០ នាក់ បានព្យា​យាម​ឱ្យគ្រឿង​ចក្រ​ចូល​ទៅ​ក្នុងសហន៍របស់ប្រជាពលរដ្ឋតាំងពីម៉ោងប្រមាណ ៥:០០ នាទីព្រឹកទាបភ្លឺមក​ម្លេះ ដោយ​មាន​ការប៉ះ​ទង្គិចគ្នាជាមួយ​ប្រជាពលរដ្ឋទៀតផងដែរ។ ក្នុងការប៉ះទង្គិចនេះ ក្រុមប្រជាពលរដ្ឋ​បានព្យា យាម​ទប់ស្កាត់​កុំឱ្យគ្រឿងចក្រចូលមកឈូសឆាយផ្ទះរបស់ពួកគេ ដោយយកដុំថ្ម កែប និងដបគប់ទៅលើ ក្រុមអាជ្ញាធរ និងការប្រើ កាំបិត និងពូថៅទៀតផដ។ រីឯក្រុមប៉ូលីស វិញដើម្បីបំបែកកំលាំងរបស់ពលរដ្ឋ បានប្រើហឹង្សា​ដោយ​ការវាយដំដោយដំ បងឆក់ ការប្រើឧស្ម័នបង្ហូរទឹកភ្នែក គ្រាប់បែកផ្សែង និងការប្រើ ឡាន ទឹក។

           បន្ទាប់ពីការប៉ះទង្គិច គេឃើញមានក្រុមអ្នកភូមចំនួន ៤នាក់បានរងរបួស ដែលមាន ២នាក់ជាយុវជន ហើយក្នុងចំនោមអាជ្ញាធរទាំងនោះក៏មាន ម្នាក់បានរងរបួសដែរ។

         ប្រជាពលរដ្ឋបានយំស្រែកដោយការសោកស្តាយផ្ទះសំបែង និងទ្រព្យសម្បតិ្តរបស់ពួកគេ ដែលត្រូវបាន គ្រឿងចក្រឈូសឆាយអស់។ គួរកត់សំគាល់ថា ការឈូសឆាយនេះមិនបានជូនដំណឹងប្រជាពល​រដ្ឋ​ជាមុន​នោះ​​ទេ ដែលធ្វើឱ្យគាត់មិនបានត្រៀមទុកជាមុនដើម្បីយកទ្រព្យសម្បត្តិចេញពីផ្ទះរបស់ពួកគេឡើយ។  

ប្រជាពលរដ្ឋកំពុងរើរបស់របរប្រើប្រាស់របស់ពួកគេ

         ប្រជាពលរដ្ឋម្នាក់បាននិយាយថា “ខ្ញុំស្តាយទ្រព្យសម្បតិ្តរបស់ខ្ញុំណាស់។ ហេតុអីបានជាគេឈូស​ឆាយ​ផ្ទះរបស់ខ្ញុំ?​ ពួកនេះវាសាហាវជាងពួកប៉ុលពលទៅទៀត វាប្លន់ផ្ទះរបស់ប្រជាពលរដ្ឋ”។ ប្រជាពលរដ្ឋខ្លះ​ទៀត​បាននិយាយថា “ពួកវាកុហកពួកយើង វាថាបើមានបញ្ជីស្នាមត្រឹមត្រូវវានឹងមិនឈូសឆាយផ្ទះរបស់យើងទេ ប៉ុន្តែ​វា​នៅតែធ្វើទៀត”។

គួរកត់សំគាល់ដែរថា ការឈូសឆាយនេះគឺជាគម្រោងអភវឌ្ឍន៍របស់ក្រុម ហ៊ុន ផានអ៊ីម៉ិច ក្នុង​សហគមន៍បុរីកីឡាដោយសន្យាសាងសង់អាគារ ឱ្យ ប្រជាពលរដ្ឋរស់នៅ ប៉ុន្តែប្រជាពលរដ្ឋថា នេះគឺជាការយក​លេសរបស់​ក្រុម ហ៊ុនដើម្បីឈូឆាយផ្ទះសំបែង និងយកដីប្រជាពលរដ្ឋលក់តែប៉ុណ្ណោះ។