រួបភាពរបស់ លោក ឈុត វុទ្ធី ប្រធានអង្គការការពារធនធានធម្មជាតិ

លិខិតចូលរួមរំលែកទុក

ចំពោះ មរណភាពរបស់លោក ឈុត វុទ្ធី ប្រធានអង្គការ ការពារធនធានធម្មជាតិ បណ្តាញយុវជនកម្ពុជា សូមសំដែងនូវសេចក្តីសោកស្តាយយ៉ាងក្រៃលែងជាទីបំផុតចំពោះមរណៈភាពរបស់លោក ឈុត វុទ្ធី ប្រធានអង្គការការពារធនធានធម្មជាតិ ដែលត្រូវបានមន្ត្រីរាជអវុធហត្ថបាញ់សម្លាប់ នៅតំបន់វាលបី ស្ថិតនៅភូមិថ្មដូនពៅ ខេត្តកោះកុង កាលពីថ្ងៃទី ២៦ ខែ មេសា ឆ្នាំ ២០១២។ បណ្តាញយុវជនកម្ពុជា សូមចូលរួមរំលែកទុក្ខយ៉ាងក្រៀមក្រំជាទីបំផុត ដល់ក្រុមគ្រួសារសព ដែលបានបាត់បង់នូវមនុស្សជាទីស្រលាញ់ ដែលត្រូវជាស្វាមី ឳពុក បងប្អូន និងសាច់ញាតិដែលបានមរណៈទៅ ហើយនោះ។ បណ្តាញយុវជនកម្ពុជាក៏សូមសំដែងនូវការសោកស្តាយជាថ្មីម្តងទៀត ចំពោះការបាត់បង់ នូវសកម្ម ជន និងជាវីរៈជនស្នេហារព្រៃឈើ ការពារព្រៃឈើ ធនធានធម្មជាតិ និងសិទ្ធិមនុស្សយ៉ាងសកម្មដើម្បីបុព្វហេតុ សមភាព និងយុត្តិធម៌សង្គម ក៏ដូចជា ការការពារផលប្រយោជន៍សង្គមខ្មែរទាំងមូល។ បណ្តាញយុវជនកម្ពុជា សូមឧទ្ទិសវិញ្ញាកន្ធរបស់លោក ឈុត វុទ្ធី ទៅកាន់សុគតិភព។ រាជធានីភ្នំពេញ, ថ្ងៃទី ៣០ ខែ មេសា ឆ្នាំ២០១២

ដំណឹងជ្រើសរើសគ្រូបង្រៀនកុំព្យូទ័រស្ម័គ្រចិត្តចំនួនពីរនាក់

សហគមន៍ព្រៃឈើប្រមាណ៤០០នាក់គ្រោងដង្ហែរញត្តិទៅសាលាខេត្តស្វាយរៀងរឿងជម្លោះដីធ្លី

តំណាងសមាគម សហគមន៍ និង អង្គការសង្គមស៊ីវិលចំនួន១៨ ដាក់ញត្តិទាមទារបញ្ចុះថ្លៃសាំង

ដោយ៖ ស ម៉ូរី

       នៅព្រឹកថ្ងៃទី០៩ ខែមេសា ឆ្នាំ២០១២ តំណាងអ្នករត់រមកទេសចរណ៍ និងអ្នករត់ម៉ូតឌុប ដែលជាសមាជិក សមាគមប្រជាធិបតេយ្យឯករាជ្យនៃសេដ្ឋកិច្ចក្រៅប្រព័ន្ធ និតំណាង មកពីសហព័ន្ធសហជីព សមាគមកសិករ បណ្តាញយុវជន សហគមន៍ និងតំណាងអង្គការ សង្គមស៊ីវិលប្រមាណ ២០០ នាក់ មកពីចំនួន ១៨ ស្ថាប័នបានមកប្រមូលផ្តុំគ្នាអស់រយះពេល ជាងពីម៉ោងនៅមុខរដ្ឋសភាជាតិ។

លោក ឯម ខេមរា កំពុងថ្លែងពីបញ្ហានៃការឡើងថ្លៃសាំងនៅមុខរដ្ឋសភាជាតិ

ការប្រមូលផ្តុំនៅព្រឹកនេះគឺដើម្បីដាក់ញត្តិស្នើ ទៅរាជរដ្ឋាភិបាលដើម្បីធ្វើអន្តរាគមន៍ បញ្ចុះថ្លៃសាំង ដែលកំពុងតែឡើងថ្លៃពីមួយថ្ងៃ ទៅមួយថ្ងៃរហូតដល់៦០០០រៀល ឱ្យធ្លាក់ មកត្រឹមតម្លៃ ៤០០០រៀល ក្នុងមួយលីត ដើម្បីឱ្យមានតម្លៃ ប្រហាក់ប្រហែលទៅ និង ប្រទេសជិតខាង និងប្រទេសដែលជាសមាជិក អាស៊ានទាំងអស់។
ការកើនឡើងនូវតម្លៃប្រេងសាំងនេះហើយ ដែលជាហេតុធ្វើឱ្យទំនិញសព្វសារពើនៅលើទីផ្សារ ឡើងថ្លៃ ហើយធ្វើឱ្យប៉ះពាល់ យ៉ាងខ្លាំង ដល់ការប្រកបមុខរបរចិញ្ចឹមជីវិតរបស់ ប្រជាពលរដ្ឋខ្មែរទាំងមូល ជាពិសេស អ្នករត់រមកទេសចរណ៍ អ្នករត់ម៉តូឌុប និងកសិករ។

ក្រុមអង្គការសង្គមស៊ីវិលទាមទាអោយរដ្ឋាភិបាលបញ្ចុះតំលៃប្រេងសាំង