សិក្ខាសាលាស្តីពី ភាពជាអ្នកដឹកនាំ

​​   នៅថ្ងៃទី២០ ខែឧសភា ឆ្នាំ២០១២ បណ្តាញយុវជនកម្ពុជាបានរៀបចំវគ្គសិក្ខាសាលា ស្តីពី “ភាពជាអ្នកដឹកនាំ”។ វគ្គសិក្ខាសាលានេះ ត្រូវបានប្រព្រឹត្តឡើងនៅការិយាល័យបណ្តាញយុវជន កម្ពុជា ដែលមានអាស័យដ្ឋាននៅភូមិត្រពាំងឈូក សង្កាត់ទឹកថ្លា ខណ្ឌសែនសុខ រាជធានីភ្នំពេញ ដោយមានការសម្របសម្រួលពី លោក ស៊ា ភារម្យ ប្រធានអង្គការក្រុមការងារពិសេស​សិទ្ធិលំ​នៅដ្ឋាន

។ វគ្គបណ្តុះបណ្តាលនេះ មានយុវជនដែលជាសិក្ខាកាមចូលរួមចំនួន ៣៤ នាក់ ដែលជាសិស្ស និស្សិត ដែលមកពីសាលា និងសាលកលវិទ្យាល័យ​ផ្សេងៗគ្នានៅ​ក្នុងរាជ​ធានីភ្នំ​ពេញ​​រួមជាមួយបុគ្គលិកមកពីស្ថាប័នផ្សេងៗមួយចំនួនផងដែរ។

   ជាកិច្ចចាប់ផ្តើមនៃវគ្គសិក្ខាសាលា លោក ស៊ា ភារម្យបានធ្វើការបង្ហាញនូវគោលបំណងនៃវគ្គ​បណ្តុះបណ្តាលដល់​សិក្ខាកាមដែល​បាន​ចូល​រួ​ម​​ទាំងអស់ និងសារៈសំ​ខាន់​នៃវគ្គ​បណ្តុះ​បណ្តា​ល​នេះដើម្បីឱ្យយុវជនយកទៅ​ប្រើប្រាស់​ធ្វើ​យ៉ាង​​ណាឱ្យមានប្រយោជន៍នៅក្នុងសង្គម និង​ដើម្បីត្រៀមខ្លួនធ្វើជាអ្នកដឹក​នាំទៅ​ថ្ងៃអនា​គត​។ 

    គោលបំណងនៃការបើកវគ្គសិក្ខាសាលានេះឡើងដើម្បីឱ្យយុវជនដឹងអំពីៈ 

-​​ភាពជា​អ្នកដឹក​នាំដើម្បីឱ្យបានលទ្ធផលល្អ 

-យល់ដឹងបន្ថែមទៀត​ពីប្រសិទ្ធិភាពនៃភាពជាអ្នកដឹកនាំ 

- យល់ដឹងបន្ថែមពីបទពិសោធន៍នៃភាពជាអ្នកដឹកនាំនៅក្នុងប្រទេសកម្ពុជា និងនៅក្នុងពិភពលោក -ចែករំលែកបទពិសោធន៍ពីគ្នាទៅវិញទៅមករវាងនិស្សិត និងនិស្សិតមកពីសាកលវិទ្យា​ល័យ​នានា​ក្នុងរាជធានីភ្នំពេញ។ បន្ទាប់មក អ្នកសម្របសម្រួលបានលើកពីបទពិសោធន៍នៃការដឹកនាំ និងប្រវ​ត្តិ​​​តស៊ូនៃអ្នកដឹកនាំល្បីៗនៅលើពិភពលោក ដូចជាលោក ចយ វាស៊ីនតោន និងអ្នកស្រី អ៊ុងសាន សូជី ដែលសុទ្ធជាអ្នកដឹកនាំដែលក្លាយហ៊ាន និងមានការទទួលខុសត្រូវខ្ពស់ ហើយក៏ជា​អ្នក​ដឹក​នាំ​ម្នាក់ដែលជោគ ជ័យដោយមានការគាំទ្រពីសំណាក់ប្រជាពលរដ្ឋ។ កម្មវិធីនេះ​ក៏មាន​ការចាក់​បញ្ចាំង​ខ្សែភាពយន្តស្តីពី ដំណើរជីវិតរបស់មេដឹកនាំប្រទេសភូមា អ៊ុងសាន ស៊ូជី ដែល​អ្នក​ទទួលបានពានរង្វាន់ណូបែលសន្តិភាព។ បន្ទាប់ពីទស្សនាខ្សែភាពយន្តចប់ អ្នកសម្រប​សម្រួល​ក៏​បាន​ការឆ្លុះបញ្ចាំង និងបំផុសគំនិតដល់យុវជនដើម្បី ឱ្យយុវជនលើកឡើងពីលក្ខណៈវិជ្ជមាន និងអវិជ្ជាមានរបស់អ្នកស្រី អ៊ុងសាន ស៊ូជី។ លោក ស៊ា ភារម្យ ក៏បានលើកឡើងពីលក្ខណៈ ល្អសំ ខាន់ៗរបស់អ្នកដឹកនាំនាពេលបច្ចុប្បន្នដើម្បី ឱ្យទទួលបានភាពជោគជ័យនោះអ្នកដឹកនាំត្រូវតែជា បុគ្គលដែលមានលក្ខណៈដូចខាងក្រោមៈ 

-អ្នកដឹកនាំត្រូវមានទស្សនៈវិស័យច្បាស់លាស់ 

-អ្នកដឹកនាំត្រូវមានចំណេះដឹងខ្ពស់ ឆ្លាត ហើយអាចបត់បែនតាមគ្រប់កាលៈទេសៈ 

-អ្នកដឹកនាំត្រូវតែជាបុគ្គលម្នាក់ដែលធ្វើឱ្យបុគ្គលម្នាក់ ឬ ច្រើននាក់ស្តាប់តាម ឬគោរពតាម 

-អ្នកដឹកនាំត្រូវតែចេះធ្វើការងារជាក្រុម វគ្គសិក្ខាសាលាត្រូវបានបញ្ចប់នៅវេលា ម៉ោង ៥: 00 ល្ងាច ក្រោមបរិយាកាសរីករាយ និង ស្និទ្ធស្នាលដោយសិក្ខាកាមទាំងអស់រំពឹងទុកថាខ្លួននិងយកចំណេះ ដឹងដែលទទួលបាននៅថ្ងៃនេះទៅប្រើប្រាស់ដើម្បីជាប្រយោជន៍សម្រាប់ខ្លួនឯង និងសង្គម។